Туфан Миңнуллин. Драма 1 бүлектә (12+)

Нибары 27 ел яшәгән Габдулла Тукайның тормышында ачылмаган серләр бик күп. Күренекле драматург Туфан Миңнуллин бу пьесада аның тормышындагы аерым бер вакыйганы –1909 елда шагыйрьнең Сембер губернасында, фабрикант Акчуриннарда кунакта булуын чагылдыра. Тукайның байларга мөнәсәбәте турында фикерләр шактый каршылыклы.  Кайбер галимнәр аны акчага, байлыкка аз гына да исе китмәгән,
байлардан ачы итеп көләргә яраткан шагыйрь дип бәяли; ул чагында андый  Тукайның атаклы капиталист, миллионер Акчуриннарга сәфәрен ничек аңларга… Драматургның талантлы каләме шул вакыйгаларны хыялда терелтә. Әңгәмәләрдә татар халкының язмышы, аның киләчәге турында уйлану чагыла. Әйшә һәм Нәфисә белән сөйләшкәндә, Тукайның ялгызлыкка дучар җаны тамашачы өчен мизгелгә генә ачылып киткәндәй була… Автор үзе үк искәрткәнчә, документаль әсәр язу максат итеп куелмаган, Тукай образын үстерә торган яңа фактлар табылган очракта, пьесага үзгәрешләр кертү дә күздә тотылган. Һәм андый фактлар табылган да…

Рольләрдә:
Тукай – Фирдүс Сафин
Хәсән – ТРның халык артисты Рафик Каюмов
Якуб – ТРның атказанган артисты Илфат Әскәров
Абдулла – Марсель Мөсәвиров
Айшә – Физәлия Габидуллина
Кыяметдин – ТРның атказанган артисты Равил Гыйләҗев