Чаллы татар дәүләт драма театрның беренче эксклюзив сүзсез пластик спектакле -«Тамчы». Куючы-режиссер – театр артисты Фәхертдинов Рәзил. Ул телсез кино кинематографиясе тарихына таянып, спектакльдә пантомима һәм буффонада алымнарына мөрәҗәгать итә. Чарли Чаплин, Слава Палунин, Борис Амарантов, Батист Дебюро кебек мәшһүрләрнең уены аңа илһам чыганагы булып тора. Төрле эмоциональ халәтләрне чагылдыру өчен спектакльдә актерлар ак һәм кара төстәге грим кулланалар.
Сәхнәдә бары тик бию, мимика һәм пантомима хакимлек итә. Әлеге спектакль бию теле белән дуслык һәм тугрылык турында сөйли.