Маликова Индира Мәдәният министрлыгы тарафыннан «Мәдәнияттәге казанышлар өчен» күкрәк билгесе белән бүләкләнде. Бу билге аның күпьеллык нәтиҗәле эшен һәм мәдәният өлкәсендәге хезмәтләрен тану булып тора. Исегезгә төшереп үтәбез, 2023 елда Индира «Тантана» премиясе лауреаты булды.
Шиһапова Энҗе күпьеллык нәтиҗәле хезмәте өчен шәһәр Мэрының мактау грамотасы белән бүләкләнде. Агымдагы сезонда ул «Сөясеңме, сөймисеңме?» спектаклендә төп рольләрнең берсен уйнады.
Театр актрисасы Арсланова Чулпан шәһәрнең мәдәният үсешенә зур өлеш керткәне өчен шәһәр Мэрының рәхмәт хаты белән бүләкләнде.
Фәйзерахманова Гөлфия күпьеллык хезмәте өчен шәһәр Башкарма комитеты җитәкчесенең рәхмәт хатына лаек булды, театрда Гөлфия Шәйхулла кызы 32 ел эшли.
Рәссам-бутафор Әсләмова Эльза һәм рәссам-декоратор Әхмәтгәрәев Айдар мәдәният үсешенә зур өлеш керткән өчен мәдәният идарәсенең мактау грамотасын алдылар.Коллегаларыбызны чын күңелдән әлеге лаеклы бүләкләр белән котлыйбыз!
