«Теләмәшкин» Яңа ел әкиятенең премьерасына балалар рәсемнәре конкурсы игълан итәбез.
«Яшүсмер Әмир, үзен һәм тирә-юньдәгеләрне аңламаганлыктан, серле җир асты дөньясына эләгә, анда аны 4 табигать көче каршы ала: су, һава, ут һәм җир.
Алар тылсымлы дөньядан чыгу юлын табар өчен берләшәләр, ә физика һәм химия белемнәре геройларга уртак мәсьәләне хәл итәргә ярдәм итә. Бу әкият үз теләкләреңне ишетергә һәм якыннарыңны аңларга өйрәтә».
Төп герой Әмирнең образын һәм аның серле дөньясын ясагыз. Бәлки, нәкъ сезнең баланың иҗаты яңа әкиятнең афишасы һәм сәхнә бизәлешенең нигезе булыр!
Яхшы сыйфатлы эш сканын chelnyteatr.marketing@yandex.ru почтасына яки театрның ВКонтакте төркемендәге «Сообщение» бүлегенә җибәрегез: баланың фамилиясе, исеме, атасының исеме, яше; ата яки ананың фамилиясе, исеме, атасының исеме һәм телефон номеры. Рәсемнәр 2023 елның 1 ноябренә кадәр кабул ителә.
