Муса Җәлил исемендәге Республика премиясе лауреаты (2007 ел)
Татарстан Республикасының атказанган артисты (2014 ел)
Чулпан Рифкать кызы Әскәрова-Садыйкова 1974 елның 29 декабрендә Казан шәһәрендә туа. 1993 елда, Казан театр училищесының актерлык бүлеген тәмамлап, Чаллы татар драма театрына эшкә килә. Читтән торып Казан дәүләт мәдәният һәм сәнгать академиясенең режиссерлар әзерләү бүлеген тәмамлый. Чая табигатьле, фикерләүчән артистка.
Рольләре: Мәмдүдә (Г.Каюмов. «Һинд кызы»), Бану (Н.Кәримова. «Үп мине, Зәйтүнә!»), Мәфтуха (М.Гыйләҗев. «Дон Жуан Балчыклыда»), Галиябану (М.Фәйзи. «Галиябану»), Агафья Тихоновна (Н.Гоголь. «Өйләнү»), Хәкимә (Н.Гаетбаев. «Кызлар, ишек ачыгыз!»), Диләрә (Ф. Бүләков. «Кызлар нигә елый?»), Лиза (Р. Сабыр. «Хәят»), Гүзәл (Т. Миңнуллин. «Саташу»), Лилия (Эсфир. «Китмәскә килгән кошым»), Гарифә (Г. Камал. «Банкрот»), Гуля (Р.Сабыр. «Сигезле биюе»), Динә (Н.Птушкина. «Кызым кияүгә чыга»), Соня (А.Чехов. «Яшәргә, ничек тә яшәргә»), Екатерина (А.Әхмәтгалиева. «Капка»), Хатын (Б.Сәлахов. «Яратылмый калган ярлар»), Авыл хатыны (Ф. Бурнаш. «Яшь йөрәкләр»), Мәрьям (Р.Шарт. «Башыңа төшсә…»), Заримә (З. Хәкимханов. «Тәрәзәдә һаман ут яна») һ.б.
