Татарстан Республикасының атказанган артисты (2016 ел)
Нурия Гариф кызы Сәләхова 1968 елның 12 октябрендә Татарстанның Буа районы Черки Килдураз авылында туа. Казан дәүләт мәдәният институтының режиссерлар әзерләү бүлегендә укый. 1991 елда Чаллы татар театрына эшкә килә. Эчке энергиясе ташып торган артистка.
Рольләре: Римма (Ф.Галиев. «Су буенда учак яна»), Мөнирә (И.Юзеев. «Гашыйклар тавы»), Нәргизә (Аманулла. «Җәйге кырау»), Зәйтүнә (Г. Каюмов. «Һинд кызы»), Наза (З.Исмәгыйлев. «Кодача»), Агафья Тихоновна (Н. Гоголь. «Өйләнү»), Гөлбикә (М.Гыйләҗев. «Дон Жуан Балчыклыда»), Тәүсига (Р.Хәмид. «Тигезәкләр»), Сәрвәр (К.Тинчурин. «Йолдызлар сүнсә ни була»), Рәмзия (Н.Гаетбаев. «Кызлар, ишек ачыгыз!»), Чумзия (Р.Батулла. «Ярым ятларга кала»), Туганым (Г.Камал. «Банкрот»), Сәйдә (Р.Сабыр. «Сигезле биюе»), Фәридә (Х.Ибраһимов, Р.Сәгъди. «Кияү абый»), Хәдичә (А.Гыйләҗев. «Өч аршын җир»), Диләрә (А.Әхмәтгалиева. «Ул бит кичә иде»), Зилә (И.Зәйниев. «Туйга ничә көн кала»), Хатын (Б.Сәлахов. «Яратылмый калган ярлар»), Елан, жария (А.Әхмәтгалиева. «Чәчәк күлмәк»), Гөлйөзем (Ф. Бурнаш. «Яшь йөрәкләр») һ.б.
