34 нче сезонның беренче премьерасы 8 сентябрьдә узачак. Театр сәхнәсендә беренче булып тамашачылар Туфан Миңнуллинның «Диләфрүзгә дүрт кияү» комедиясен күрәчәк (12+).

Әгәр дә син юлыңда мәхәббәтеңне очратсаң, тормыш яңа төсләр белән уйный башлый... Әмма ул гүзәл затны үзеңә карату шулкадәр җиңелме соң?

Авылның дүрт егете дә Диләфрүзнең йөрәген яуларга җыена, ә менә кыз үзе аларның кайсын сайлар?...

«Диләфрүзгә дүрт кияү» комедия спектакленең премьерасы 8 сентябрьдә 19:00, 9 һәм 10 сентябрьдә 18:00 сәгатьтә булачак.

Спектакль рус теленә синхрон тәрҗемә белән тәэмин ителгән.

Билетларны безнең сайтта сатып алырга мөмкин.