Руслан Рәмис улы Әюпов 1994 елның 25 декабрендә Ульяновск өлкәсе Яңа Малыклы районы Иске Төгәлбуга авылында туа. Казан театр училищесын, читтән торып Казан федераль университетын тәмамлый. 2016 елдан Чаллы татар дәүләт драма театрында эшли. Ихласлыгы, җырга сәләтле булуы белән аерылып тора.
Рольләре: Акъегет (М.Кәрим. «Ай тотылган төндә»), Байрас (З.Кадырова. «Сагынырсың, мин булмам»), Хәрби (Б.Сәләхов. «Яратылмый калган ярлар»), яшь Галимулла (Т.Миңнуллин. «Бер мәхәббәт кыйссасы»), Леша Киселев (Ә.Ишбулдина. «Зәңгәр томан артында»), Флориндо (К.Гольдони. «Ике хуҗаның хезмәтчесе»), Габдулла (Я.Шәфыйков. «Хуш, Агыйдел!»), Фәнил (И.Зәйниев. «Туйга ничә көн кала»), Тыпырдык (И.Зәйниев. «Тыпырдык»), Хәйретдин (Ф.Бурнаш. «Яшь йөрәкләр»), Доктор (З.Кадырова. «Язмыш сынавы»), Тикшерүче (Р.Сабиров. «Абага алмасы ачы була»), Аждаһа, Бабай (А.Әхмәтгалиева. «Чәчәк күлмәк»), Мостафа (А.Әхмәтгалиева. «Капка»), Руслан (М.Мөсәвиров. «Бик сагынсаң әгәр…»), Хәлвәфрүш (К. Насыйри «Әбүгалисина»), Нурбәк, Усманов (Ф. Сафин «Хәл бу ки… Фатих Кәрим»).
