Татарстан Республикасының атказанган артисты (2015ел)
Миләүшә Әнәс кызы Имамова 1972 елның 28 сентябрендә Биектау районы Коркачык авылында туа. Казан театр училищесының актерлар әзерләү бүлеген тәмамлап, 1993 елда Чаллы татар театрына эшкә килә. Читтән торып Казан дәүләт университетының татар филологиясе бүлеген тәмамлый. Эмоциональ кичерешләргә бай, һәрнәрсәне үз йөрәге аша уздыручы, нечкә күңелле артистка.
Рольләре: Рәфидә (Р.Батулла. «Күбәләк булып җаның кайтыр»), Дилбәр (К. Тинчурин. «Американ»), Сара (Р.Хәмид. «Тигезәкләр»), Зәйтүнә (Н. Кәримова. «Үп мине, Зәйтүнә»), Садри (М.Фәйзи. «Галиябану»), Динә (К.Гали. «Йосыф»), Саташкан әби (Т. Миңнуллин. «Саташу»), Ирбатыр (Т. Миңнуллин. «Без бит авыл малае»), Гөлҗиһан (Г. Камал. «Банкрот»), Надия (И.Бикбулатова. «Җилкәннәр»), Эля (Р.Сабыр. «Сигезле биюе»), Флера (Х.Ибраһимов, Р.Сәгъди. «Кияү абый»), Сафия (Н.Птушкина. «Кызым кияүгә чыга»), Тайфә (А.Гыйләҗев. «Өч аршын җир»), Бичура (Я.Шәфыйков. «Хуш, Агыйдел!»), Лариса (Ш.Идиатуллин. «Шәһәр.Нокта.Брежнев»), Хатын (Б.Сәлахов. «Яратылмый калган ярлар»), Авыл хатыны (Ф. Бурнаш. «Яшь йөрәкләр»), Мәсрүрә (А. Гыйләҗев “Болан”) һ.б.
