Драма (12+)
Болан – нәфис тә, сылу да, горур да булган гаҗәеп бер җан иясе. Ләкин әлеге атама кеше телендә төрле очракта төрле символик мәгънә ала… Пьеса геройларының кайберсе үткәненнән котылырга теләмичә мөгез каера; икенче берәве, бар җаваплылыкны бүтәннәр җилкәсенә аударып, болын-кырлар буйлап җилдерә; бик сирәкләр генә башкаларны һәм, иң мөһиме – үзен – кабул итәргә, аңларга, гафу итәргә сәләтле.
Һәр әсәрен соклангыч психолог буларак иҗат иткән Аяз Гыйләҗевның “Баласын җуйган болан эзеннән” пьесасы буенча куелган спектакль гадәти драма гына түгел, ә ирония, юмор, гротеск белән сугарылган тамаша.
Рольләрдә:
Рәхимҗан – ТРның атказанган артисты Рафил Сәгъдуллин,
Мәсрүрә – ТРның атказанган артисты Миләүшә Имамова,
Газизә – ТРның атказанган артисты Алсу Хәбетдинова,
Ханнан – РФнең атказанган, ТРның халык артисты Рафик Каюмов,
Тәминдар – ТРның атказанган артисты Рәзил Фәхертдинов,
Зәлия – ТРның атказанган артисты Чулпан Арсланова,
Гайрәт – Эдуард Латыйпов,
Азия – Физәлия Габидуллина,
Тәбрис – Эмиль Гыйбадуллин.
