«Тантана» премия лауреаты (2023 ел)
Индира Наил кызы Маликова 1990 елның 9 апрелендә Чаллы шәһәрендә туа. Казан театр училищесының актерлар әзерләү бүлегендә, читтән торып Чаллы дәүләт педагогия университетында укый. 2011 елда Чаллы татар дәүләт драма театрына эшкә кайта. Эмоциональ кичерешләрне оста чагылдыручы артистка.
Рольләре: Маша (Р.Фатыйхов, Б.Хәйбуллин. «Светофория илендә»), яшь Мөнирә (И.Юзеев. «Гашыйклар тавы»), Алчәчәк (Эсфир. «Былтыр кызы»), Айзирәк (Б.Сәлахов. «Яр»), Флера (Х.Ибраһимов, Р.Сәгъди. «Кияү абый»), Йолдыз (С.Әбүзәр. «Хыялый»), Әсма (Н. Гаетбаев. «Кызлар, ишек ачыгыз!»), Мәче (Ф.Галиев. «Ак тычкан»), Карга (К. Абэ. «Ком ял итми»), Клариче (К.Гольдони. «Ике хуҗаның хезмәтчесе»), Әлфия (З.Кадырова. «Язмыш сынавы»), Ләйлә (И.Зәйниев. «Туйга ничә көн кала»), Гөлия (Р.Сабиров. «Абага алмасы ачы була»), Кыз (Б.Сәлахов. «Яратылмый калган ярлар»), Зәйнәп (И.Зәйниев. «Тыпырдык»), Авыл кызы (Ф. Бурнаш. «Яшь йөрәкләр»), Гөлчәһрә (К. Насыйри «Әбүгалисина»),Петр кызы Клавдия, Гульгена (О.Кинҗәгулов «Хәл бу ки… Хәсән Туфан»), Индира (М.Мусавиров “Бик сагынсаң әгәр…”), Диләфрүз (Т.Миңнуллин «Диләфрүзгә дүрт кияу»).
