«Асрамага бала бирәм…» Бу сүзләрнең кемгә кагылганын белмәгән кеше сирәктер. Мондый язмышка ия шагыйрь башка бер генә милләттә дә юк.
Бөек шагыйрь булып җитлегер өчен Габдулла Тукайга ятимлек ачысын бик кечкенәдән татырга туры килә. Аның язмышында – ничә яңа әни, ничә яңа әти. Нәни Апушны ат арбасына утыртып Казанга алып килгән ямщик, «Асрамага бала бирәм, кем ала?» – дип Печән базарында кычкырып йөргәндә, шушы сабыйның зуп-зур Тукайга әвереләсен күзалдына да китермәгәндер.
«Исемдә калганнар» дигән автобиографик язмасында шагыйрь үзенең балачагын хәтерендә яңарта. Спектакль шул хатирәләргә нигезләнгән. Нибары 27 ел яшәп дөньядан киткән Тукайның үлемсезлек сере нәрсәдә соң – бу сорауга җавап табылырмы?..
Рольләрдә:
Тукай – Илназ Гаффанов
Апуш – Салих Сахабутдинов
Мәмүдә – Лилия Минһаҗева
Зинәтулла – ТРның атказанган артисты Равил Гыйләҗев
Латыйфа – Ләйсән  Нургалиева
Ямщик – Эдуард Латыйпов
Саҗидә 1 – Гүзәл Шамагсумова
Сәгъди – ТРның атказанган артисты Рәзил Фәхертдинов
Зөһрә – Юлия Григорьева
Саҗидә 2 – Алсу Сәгыйдуллина
Сабира – Алинә Мохлисова
Хәзрәт – Эмиль Гыйбадуллин
Бәдри – Инсаф Һидиятуллин