Һәр кеше, аеруча иҗат кешесе, еш кына үзенә шундый сорау бирергә тиеш: «Мин кем әле?..» Үзеңне даһи, йолдыз, бердәнбер һәм кабатланмас дип уйлаган мәлдә дә, бернигә ирешмәгән дип санаганда да, ялгышкан, абынган чакта да шул сорау ярдәмгә килә. Рүзәл Мөхәммәтшин шигырьләренә нигезләнгән спектакльдә яшь, талантлы артист Физәлия Габидуллина һәркемне бергәләп җавап эзләргә чакыра.