Чарада Татарстан Республикасының район һәм халык театрлары вәкилләре – төбәкнең төрле почмакларында театр традицияләрен саклаучы һәм үстерүчеләр катнашты.

Алар алдында безнең театрның алдынгы белгечләре чыгыш ясады:

Олег Кинҗәгулов – театрның сәнгать җитәкчесе;

Айгөл Әхмәтгалиева – драматург, әдәби бүлек җитәкчесе;

Илфат Әскәров – Татарстан Республикасының халык артисты.

Төп программадан тыш, фестиваль кунаклары «Чыкты атым күләгәдән» премьера спектаклен карадылар.

Очрашу республика театр эшлеклеләре арасында тәҗрибә уртаклашу, һөнәри үсеш һәм турыдан-туры аралашу мәйданчыгына әверелде. Алган белемнәр  катнашучыларны яңа иҗади җиңүләргә илһамландырачак, дип ышанабыз!