Татарстан Республикасының атказанган артисты (2019 ел)
Флүзә Әнвәрҗан кызы Касаева 1969 елның 7 июлендә Татарстанның Тукай районы Иске Гәрдәле авылында туа. Читтән торып Казан мәдәният һәм сәнгать академиясенең режиссерлар әзерләү бүлеген тәмамлый. 2000 елда Чаллы татар дәүләт драма театрына эшкә килә. Тавышы һәм мимикасы өстендә эшләргә һәвәс, эзләнүчән, кызыксынучан, максатчан һәм таләпчән актриса.
Рольләре: Фекла Ивановна (Н.Гоголь. «Өйләнү»), Хәбир (Р.Корбанов. «Патша кызы һәм җырчы»), Марфа (Г.Исхакый. «Кәләпүшче кыз»), Халисә (Ф.Галиев. «Корт»), Фәйрүзә (Аманулла. «Юлларда бозлавык»), Илмира (Р.Батулла. «Нурислам нигезе»), Чуар тавык (В.Әхмәтшин һәм З.Минһаҗева. «Әтәч нигә кычкыра?»), Фәридә (Т. Миңнуллин. «Саташу»), Шамилә (Т. Миңнуллин. «Без бит авыл малае»), Рәхимә абыстай (Р.Сабыр. «Хәят»), Лилия (Эсфир. «Китмәскә килгән кошым»), Гөлҗиһан (Х.Ибраһимов, Р. Сәгъди. «Кияү абый»), Тәнзилә (А.Әхмәтгалиева. «Ул бит кичә иде»), Валя (Ә.Ишбулдина. «Зәңгәр томан артында»), Хатын (Б.Сәлахов. «Яратылмый калган ярлар»), Авыл хатыны (Ф. Бурнаш. «Яшь йөрәкләр»), Музыкант (Т.Миңнуллин. «Без китәбез, сез каласыз»), Луиза (О.Кинҗәгулов «Хәл бу ки… Хәсән Туфан») һ.б.
