Баллада (12+)

КАМАЗ автомобиле тарихы… «Мустанг» – аеруча көчле һәм чыдам кыргый атлар токымы ул, аларны кешеләргә ияләштерү шактый авыр… Сәхнәдә төп рольләрнең берсен башкаручы КАМАЗ-4350 автомобиленең дә исеме шундый. Әйе, спектакльдә хәрби машина хәтта үзе дә катнаша.
Камазлылар кулы белән ясалган куәтле  машина чагылышында  тамашачы үзенең яшьлек елларын, эшкә багышланган тормыш юлын, горурлыгын күрәчәк.
Бу спектакль – бүген дә илебезне саклаучы кешеләр һәм машиналар турындагы тарих. Ул  батырлыкка һәрвакыт урын булуы хакында сөйли. Ватан хакына батырлыкка! Иксез-чиксез болыннар арасындагы Автогигант;  Кама буендагы матур, уңайлы шәһәр… Гаҗәеп үсеш һәм прогресс символына әверелгән шәһәр. Тарихы казанышлар һәм батырлыклар белән тулы шәһәр. Яр Чаллы!.. Һәм кешеләр! Фидакарь хезмәт кешеләре, хезмәт батырлыгы кешеләре… Без беркайчан да артка чигенмәбез!  Каршыбызда нинди генә сынаулар булса да, түзәрбез һәм җиңәрбез…

Рольләрдә:
Фәтхуллин (Чулман) – Әюпов Руслан
Әюпов (Аю) – Һидиятуллин Инсаф
Гурьянов (Талкыш) – Гыйбадуллин Эмиль
Урманов (Шүрәле) – Гаффанов Илназ
Артур Гречкин – Ибраһимов Руслан
Светлана Гречкина – Минһаҗева Лилия
Директор – ТРның халык артисты Каюмов Рафик
Фәизов – ТРның атказанган артисты Сәгъдуллин Рафил
Низовцева – ТРның атказанган артисты Арсланова Чулпан
Гәрәев – Сафин Фирдүс